चारोळीच प्रारब्ध

व्याकरणाचे तर कधी यमकाचे, झुगारून निर्बंध
खेळीमेळीने अचानक येतात एकत्र शब्द
असतं एखाद्या चारोळीच असं विचित्र प्रारब्ध
श्रोतेच काय, कवीही होतो वाचून नि:शब्द 

संवाद

संवाद करा, संवाद करा
झाले करून खूप संवाद
संवादाच्या नावाखाली वाढत होते फक्त वाद
आत्ता कळतंय,
संवाद म्हणजे खरोखर सहवासाने होणारे फक्त वाद

सवड

तहान भागवयाची असेल 
तर उचलावीच लागते पाण्याची कावड 
मैत्री टिकवायची असेल 
तर काढावीच लागते सवड