गुरुमंत्र

कधी खावे लाडू 

कधी खाव्या वड्या
कधी खाव्या खूप छड्या
सतत कराव्या काही ना काही काड्या

मज्जा येईल गड्या

म्हणतो गुरुजी जाड्या 

चहा प्रेम

चाय चाय चाय
मुक्तपणे घालतो साद
घ्या आस्वाद मनमुराद
न मांडता उच्छाद
आवडल्यास द्या दाद
नाही तर सोडा नाद 
प्या कॉफी, आणि व्हा बाद 

पिल्लू

हुंदडते, बागडते, सगळ्यांना हसवते
चिडते, रागावते,  सगळ्यांना रडवते
पळते, धावते, सगळ्यांना खेळवते
पिल्लू आमची सगळ्यांना आवडते   

लबाड रोमियो

खोटच सांगतो खरं सांगत नाही
तुझ्यावाचून माझं पान हालत नाही
पान सोडून कशाचं व्यसन नाही
अन तुझ्याइतकं माझं कुणीच नाही
खोटं सांगतो, खरं सांगत नाही ....

एक होता उंदीर
त्याने बांधले मंदिर
मंदिरातला देव मांजर
पूजारी कुत्रा नेहमीच हजर

मांजराला हवा नैवेद्य उंदराचा
पुजाऱ्याला तोडायचा लचका मांजराचा
प्राण्यांच्या अन्न साखळीत, भक्त होता कच्चा
वर वर दिसला जरी लुच्चा, आतून होता तो सच्चा

श्रद्धा पडली खिळखिळीत
उंदीर, मांजर आणी कुत्रा; सगळ्यांचीच बसली दातखिळी 

रोडसाईड रोमियो न. २

फाटला खिसा; आटलं प्रेम
आजकालच्या तरुणींचा नाही काही नेम
म्हणत्यात- 
पूर्वीसारख भरत नाही पोट, खाऊन फक्त चार फुटाणे
खिरहि लागत नाही चविष्ट, नसतील त्यात जर बेदाणे
हे घे चाराणे, तूच खा चणे, मी शोधते नवा फास्टर फेणे

शंका

एकांतातल्या त्या उत्कट क्षणानंतर
आतुरतेने पाहता पाहता वाट,
कशी काय लागली आपली वाट
मी अजूनही पडलो आहे चाट

वाहता वाहता प्रेमाचे पाट
आटले कसे काय भरलेले ताट
ताटाखालचं बनून मांजर
दाखवायचे अजून किती गाजर 

घाण्याचा बैलोबा

मोजकेच दिवस माझे
मोजण्यात किती खालावू
ज्योत मालवण्याआधी
अजून किती तेल ओतू?

दैनिक दैनंदिनी

दैनंदिनीने केले दीन
उत्चृंकलतेने (impulsive) आयुष्य सुखासीन
रोजची शिस्त, बनवते भिडस्त
थोडीशी बाळगून बेशिस्त
जगा होऊन मस्त
प्राणदेवतेचा राहिल का सतत वरदहस्त?

थोडक्यात

थोडी गंमत, थोडी चेष्टा
थोडा काम, थोडा आराम
थोडा थोडा, थोडं थोडं
थोडक्यातच मिळतो विराम

समय

रातकिड्यांची किरकिर
कोल्ह्यांची कोल्हेकुई
नवराबायकोंची भांडणे
तर काळ्याभोर रात्रीतलं चांदणे
जो समान स्थितप्रद्यतेने चालवतो 
तो समय, म्हणजेच काळ.

जमाखर्च

गाईस पोसतो चारा
पंतंगास उडवितो वारा
निसर्गाचा खेळ न्यारा
रवीच चालवितो संसार सारा
तरी का बोबंलतो जमाखर्च मानवाचा?

रोग

प्रेमाचा आला होता योग
मग झाला रागाचा रोग
नियतेनेच दिला विचीत्र भोग
कुणास ठाऊक कसे येतात असे योग