तो: तु कोण आहेस? तु ना … तु हवा आहेस … नाही नाही, म्हणजे तु ना मला हवी आहेस?
ती : मी हवा आहे?
तो : नाही .. तु हवी आहेस …
ती : काय … मी , मी हवी आहेस? कुणाला .. तुला
तो : तत् पप् .. घाबरत .. म्हणजे तू हवा आहेस .. i mean तू हवे सारखी आहेस ..माझ्या साठी .. म्हणून मला हवी आहेस ..
ती : डोळे वटारून … काय मी हवे सारखी आहे ? हवा कि हवी आहे?
तो : (अजून घाबरत घाबरत … ) दोन्ही दोन्ही ..
ती : म्हणजे… नीट सांग .. हवा कि हवी ..
तो : म्हणजे … तु ना … तु ना .. हवा आहेसं.
ती : काय .. ?
तो : म्हणजे .. तू ना नुसती असतेस … म्हणजे आहेस .. सगळीकडे, माझ्या विचारात, अवती भोवती .. पण दिसतंच नाहिस ना
ती : म्हणजे मी हवा आहे
तो : अमं हं .. हो हो .. नाही .. म्हणजे हो .. हवी आहे
ती : नाही? म्हणजे हो ? हो की नाही ..
तो : नाही नाही, तसं नाही .. म्हणजे हो ..
ती : काय? हो म्हणजे नाही???
तो : ना..ही .. तसं नाही .. म्हणजे तू हवा आहेस आणी हवी आहेस .. हं हो .. हा , हो हे बरोबर आहे.
ती : काय बरोबर आहे
तो : तू बरोबर आहेस हे बरोबर आहे
ती : अरे काय बरोबर आहे?
तो: तू हवा आहेस. नाही तू हवी आहेस
ती : मी हवी आहे???
तो: म्हणजे — तु हवेसारखी आहेस.. आणी म्हणून मला हवी आहेस .. हे बरोबर आहे
ती : आत्ता कळलं .. हा .. हो रे माझ्या राजा
तो: हो …
ती : आणी तू बरोबर आहेस .. हेच बरोबर आहे .. चूक.. चूकत असेल तरीही..
तो: चूक नाही .. अचूक हेरलंयस तू मला …
ती : humm
तो: हवेसारखीच असतेस तू माझ्या बरोबर … सतत .. दिसली नाहीस तरी … जाणाऱ्या क्षणातून प्रत्येक श्वासापरी येणाऱ्या क्षणात खेचून आणतेस .. तू मला
ती: बर बरं. आता जास्त फुगवू नकोस .. आणी फुगू पण नकोस .. नाही तर भ्रमाचा भोपळा फुटेल … आणी जागा झाला कि म्हणशील तू ना .. तू ना .. रक्त आहेस …. सतत माझ्या ह्रुदयात असते म्हणून.
